Nukitit sukakkit qasukkaqqillugillu

Haluukkut.

Oqaatigeriikkatsituut amerlanerpaat sukanganeq qasukkarsimanermit ajornannginnerutittarpaat. Tassani bremsi pinnagu speederi ukkattarparput. Qujanartumilli qasukkarnissaq qasuersaarnerlu sungiusarsinnaavatit. Erniinnannguarlu periutsit pitsaanerpaat ilaat sungiusassavarput. Taanna naatsumik oqaatigalugu tassaavoq timinni immikkoortut assigiinngittut sukattarlugillu qasukkartittarnissaat. Assersuutigalugu nissutit, assatit immaqaluunniit kiinnat.

Sunaliuna torraaqutigigaa? Siullertut timivit immikkoortuini assigiinngitsuni sukaqqanerup qasukkartinnissaa sungiusassavat. Aappaattut qasuersaarnerup suunerata maluginiarnerulernissaa sungiusassavat. Sukaqqanermut sungiussiasuuvugut. Sungiusseqqanerput ima ingasatsigisinnaavoq tuikkut sukattooqqangaaratta, sukattooqqanerput allaat siutitsinnut atalersimasinnaasarluni immaqaluunniit alleqqugut keeqqaannaavilersinnaallutik. Qujanartumilli taamaattariaqanngilaq. Erniinnannguaq qasukkarnissamut sungiusaatit misilitassatit atorlugit eqqissinerusinnaavutit timinnilu ilorrisimaarnerulersinnaallutit.

Sungiusalertinnak, ilisimasassaqalaarputit. Timit sukakkukku anniartussaanngilatit. Assersuutigalgu qitinni anniaateqaruit, sunguisalertinnak nakorsamik oqaloqateqarnissat innersuussutigissavarput.

Oqaasissama sinneri anersaartornertut ipput. Aallaqqaammut misilittaaleruit ingerlatatit nalunarsinnaapput eqqumiissinnaallutillu, taamaammat naammagittarniarsarissaatit. Imminut oqarfigisinnaavutit qaammammut tulliuttumi sapaatip akunnera allortarlugu video ilitsersuut atortassallugu. Taamaalillutit ingerlatatit ilinnoortuunersut maluginiarsinnaassavat.

Tassalu maannamut oqaatigiumasakka tassunga killeqarput. Oqaannarsinnaalerpunga: Videumi tulliuttumi qasukkarsarluni sungiusarnermi nuannisarluarina.