Modul 3: Lektioni 8
Mindfullness-imut nassuiaassinertalik: ilummut silammullu anersaartornerit maliuk
Nalilersuinernut qujanaq
Kulluusaq qummut sammisoq sooq toornerit oqaatigiuk
Opret bruger
Siuariartornermut kaammattuutinik nassitsittarusukkuit atuisutut atit pilersinneqarnerani nalunaarutinik nassitsittarnissat qinersinnaavat.
Suliassaq
Maanna inuunermut akuersaarnissamut pilersaarusiorit
Maanna inuunermut akuersaarnermut sungiusarnerit iluaqutaassappata, atornissaat piumasaqaataavoq. Taamaammat manna inuunermut akuersaarnerup ulluinnarni inuuninnut ilaatilernissaanut periuseq pisariitsoq, matumani pissarsiarissavat.
Ileqqup nutaap pisoqqamut qalliunnissaa tunngaviussaaq. Imami eqqarsassaguit: “arlaatigut iluatsissinnaassappat taamaaliuinnassaanga”, eqqaamajuminaapallaassaaq.
Akerlianilli imminut oqarfigiguit: “Ullut tamaasa kigutikka salereeraangakkit sivikitsumik maanna inuunermut akuersaarnermut sungiusartassaanga,” ileqqutoqqaq ileqqumut nutaamut eqqaasitsisuussammat, tamaaliornissat ilimanarnerussaaq.
Sammisassaq 10: Maanna inuunermut akuersaarnermut pilersaarusiorit
Najoqqutassaq una atorlugu illit nammineq pilersaarusiorit:
Ass. (unnukkut nerereernerup) kingunitsianngua,
taava … (ass. nalunaaqutaq sioqqanik nakkaalaartulik atorlugu sungiusarusuttarpunga tamatumalu kingorna minutsini tallimani qasuersaarlunga).
Har du ikke en bruger?
Har du allerede en bruger?
Maanna anersaartorneq sungiusassavarput.
Arlaleriarlutit sungiusartaruit, pinerit tamaasa misigisap allanngornera immaqa misigissavat.
Sungiusarninni akornusersorneqarsinnaajunnaarlutit eqqissinartumut pillutit ingigit.
Isikkatit illuttut natermut tutsikkit qitillu narlortillugu inginniarsaralutit.
Iluarinerussagukku aamma nallarlutit sungiusarsinnaavutit.
Sequnngerit imaluunniit siumut aalajangersimanngitsumik nakkussigit.
Anersaartornerit maluginiaruk.
Itisuumik naannut atasumik ilummut anersaarit.
Tamatuma kingorna nalinginnaasumik anersaartoqqilerit massakkorpiarlu qanorluunniit misinnaraluarpat ingerlatiinnarlugu.
Silaannaap timinnut isaanera aniaqqinneralu malugiuk.
Silaannaq qinngakkut isaanera immaqa malugisinnaavat.
Silammut anersaarninniit ilummut anersaarninnut silaannaap nillataarnerunera panerneruneralu immaqa malugisinnaavat.
Imaassinnaavoq aamma malugisaqarpianngitsutit.
Ilummut anersaarit tamaat sorlunniit puannut malinnaaffigiuk.
Mauginiakkit puatit silaannarmik immerneqarlutillu imaaqqinneqartarnerat.
Anersaartorninni sakissavit nalaa qaffattarnera appartarneralu malugiuk.
Arlaannik sukangasoqarnersoq allatulluunniit anersaartornermik ajornakusuulersitsisoqarnersoq maluginiaruk.
Qanorluunniit misinnarpat ajunngilluinnarpoq.
Ilaginnaruk.
Maanna anersaartornerit ilutigalugu naatit maluginakkit.
Qaffattarneri appaqqittarnerilu.
Naatit nikinngivittarpata taava tassaaginnassaaq malugisat.
Anersaartornerit sukkut malugineruiuk?
Imaassinnaavoq qingappit nalaani malugigit, sakissappit nalaani, imaluunniit puanni naavilluunniit nalaanni.
Imaassinnaavoq aamma silaannaap timimut isaanerani anianeranilu aqqutaata tamakkerlugu malugisinnaagit.
Massakkorpiaq qanoq misinnarnera maluginiaannaruk.
Silaannaq timinnut isaavoq aniaqqillunilu.
Uteqattaarluni.
Mallit sissami takorloorsinnaavatit.
Nunamut tunneranni silammut anersaarneq.
Ilummullu anersaarnermi uteqqillutik.
Uteqattaarlutik.
Uteqqillutillu.
Eqqarsaatinik takkuttoqaraangat sumut tunnganerat maluginiartassavat.
Eqqarsaatit sarsuasut paariinnarnagit inussiarnersumik iperartassavatit.
Anersaartornerit maluginiarunnaarsimallugu paasigaangakku, maluginiarnera eqqissiivillutit uterfigeqqittassavat.
Eqqarsaatit takkuttarnerat pissusissamisoorluinnarpoq.
Suunerat maluginiaannaruk.
Taavalu anersaartornerpit maluginiarnera uterfigeqqillugu.
Pisariaqartitsinerit naapertorlugu taamaaliortassaatit.
Anersaartornerup maluginiarnerata uterfiginerani tamatigut maluginiarsinnaassuserput sungiusassavarput.
Anersaartornerit maluginiartuaruk.
Silaannaq timinnut isaasoq.
Aniaqqittorlu.
Inuunerput tamaat anersaartussaagut.
Isummaminik ingerlavoq.
Anersaartornitta annertussusaa maluginngilluinnartarparput. Maannali misigaarput.
Maani issianerit nalanerilluunniit malugiuk. Anersaartornerit uumanerillu. Tamaasa tamarmik.
Massakkorpiaq allamukassanngilatit.
Isumagisassaqanngilatit.
Aalajangersimasumillu pissusissaqanngilatit.
Maaniiginnarputit anersaartorlutillu.
Massakkorpiaq allanngortoqassanngilaq.
Suut tamarmik pissusissamisoorput.
Illillu taannarpiaavutit.
Anersaartorneq ilinniittuaannarpoq.
Imminut ilunnilu eqqissineq aalajangiusimaniarlugit kisarisinnaavat.
Anersaartorneq immap naqqani eqqissinartutut isigineqarsinnaavoq.
Mallit ataanni eqqissinarluinnarpoq.
Immap aalataarujoornera takorloorlugu maluginiarsariuk.
Assersuummik allamik ilinnut naleqqunnerusumik aamma nassaarsinnaavutit.
Imaluunniit anersaartorneq malugiinnarlugu.
Anersaartornerit malugiinnaruk.
Maanna sungiusarnerup naammassinissaanut piareersarit
Inimut avatangiisinnullu uterit.
Kigaatsumik uikkiartorit, immaqalu aalalaarlutit.
Massakkorpiaq qanoq innerit maluginiaruk.
Imminut qutsavigigit, imminullu qujaffigalutit imannak sungisarsimagavit.