Modul 3: Lektioni 7
Eqqarsaatitit qimmiaqqatut pilerisuttutut issinnappuut
Nalilersuinernut qujanaq
Kulluusaq qummut sammisoq sooq toornerit oqaatigiuk
Opret bruger
Siuariartornermut kaammattuutinik nassitsittarusukkuit atuisutut atit pilersinneqarnerani nalunaarutinik nassitsittarnissat qinersinnaavat.
Suliassaq
Har du ikke en bruger?
Har du allerede en bruger?
Haluukkut
60.000-t.
Ullup ingerlanerani eqqarsaatigut ingerlaartut taamak amerlatigisarput. Eqqarsaatigut unitsissinnaanagillu aqussinnaanngilagut. Ungasilliallalaarnissaalli tiguartippallaannginnissarlu sungiusarsinnaavarput. Massakkumiinnissarpullu sungiukkiartuaarsinnaallutigu. Taannalu erniinnannguaq mindfulnessimi sungiusarnissami sungiusassavarput.
Pingaarutilimmilli paasiteqqaalaassavakkit. Mindfulnessimik sungiusarnermi aallaqqaammut eqqarsaatit ilitsersuummi anguniarneqartut malinngivillugit sumut tamaanngaqqaartarput. Assersuutigalugu pisimasut siunissarluunniit eqqarsaatigilersinnaavatit. Immaqaluunniit isikkat ungillerileriasaartoq eqqarsaatigeqqajaaginnaavilersinnaavat.
Taamaattoqartillugu immitsinnut ajoreqqajaasarpugut, eqqarsartarlutalu kukkuissortumik sungiusarluta. Taamaattoqanngilarli. Ukkatariniakkat ukkatariunnaaraangakku kukkusutut imminut isiginiarsarinak, imannak eqqarsaannartassaatit: “Arraa maluginiaanera ukkatarinnikkunnaarsimavoq,” taamaalitillut iluatsitsisutut imminut nalilertassallutit.
Massakkumiinniarsarininni eqqarsaatitit quleriarlutik allamut saassagaluarpata, taava quleriarlutit ukkatariniakkannut eqqarsaatitit utertiinnassavatit. Ingerlanitsinni 50-eriarlutit allamut saattuussagaluaruit – taava 50-eriarlutit ukkatariniakkannut utertseqqiinnartassavatit. Tassa taanna sungiusarniakkat. Naammagittarsinnaassuteqarlutit eqqarsaativit ukkatariniakkannut utertittaqattaarnissaat sungiusassavat.
Maluginiaanerit misilillugu qimmip siniffiatut qitutsigisutut kissalaartutullu takorluussavat. Siniffimmi qimmiaqqanik aallaamasunik ulikkaarpoq – tassa eqqarsaatitit. Qimmiaqqat toqqissisimasumik siniffimmiitikkusukkaluarpatit. Qimmiaqqalli alapernaannermik misissuiniarlutik sinniffimminngaanniit aqqaqattaaginnaavipput. Qimmiaraq arlaat anillassimasoq malugigaangakku, siniffimmut uterteqqittassavat. Maluginiagaqarniarnerit tassa taamaappoq. Allamukaraangat – nipinut eqqarsaatinulluunniit allanut – taava ukkatariniakkannut uterteqqittassavat.
Eqqamaniaqqusakka taakkuinnaagallarput. Mindfulnessimut sungiusaatip tullia ilinniagassanni tullermi sammissavat.
Misilereerukku takoqqissaagut.