Imarisaanut uteqqigit

Modul 5: Lektioni 3

80-inik ukioqaleruit ikinngutiginerpaasavit illit pillutit qanoq oqaaseqarnissaa kissaatigaajuk?

Lektionip tullia

Opret bruger

Siuariartornermut kaammattuutinik nassitsittarusukkuit atuisutut atit pilersinneqarnerani nalunaarutinik nassitsittarnissat qinersinnaavat.

Suliassaq

80-iliininni ikinngutiginerpaasavit oqalugiaataa

  1. Takorlooriassagit 80-iliillutit inuuissiortutit. Ikinngutiginerpaasavit oqalugiarfiginiarlutit immiartorfik kasoqqammerpaa.

    Taassuma illit -inuunerillu pillugit qanoq oqaalugiarnissaa kissaatigissagaluarpiuk? Matumani allakkatit naleqartitavit suunerinik paasissutisseeqataasinnaapput.

     

    Sammisassaq 15: 80-iliininni ikinngutiginerpaasavit oqalugiaataa

    Aqerluusaq/pappiararlu imal. oqarasuaatinni/qarasaasianni allattaavik nassaarikkit. Aallartinniarnissaq ajornakusoortikkukku; asasara (namminerlu atit) aallarniutigisinnaavatit, apeqqutillu uku isumassarsiorfigalugit:

    • Ilinni naleqartitat pitsaasut suut ikinngutivit qitiutippai?
    • Suut soqutigisarigitit ikinngutivit oqaluttuarai?
    • Suna pillugu ikinngutivit suli ikinngutitsialaanerarpaatit?
    • Inuuninni sivisuumi angusimasatit suut ikinngutivit erseqqissarpai?

Haluukkut.

Inuuissiorputimmiatagooq. Inuuissiorneq immikkuullarissoq, tassa 80-iliivutit. Qeeqarputit kusanartunik kiinnallu eqisalunneqarluni. Meeqqavit, ernuttavit ikinngutivillu akornanni issiavutit, nalliuttorsiutiginiarlutillu aggersimapput. Akunnaattuliisutut allatuulli oqalugiarfiginiarpaatsit.

Sungiusaammi tulliuttumi eqqarsaatigissavat, ikinngutiginerpaasavit oqalugiaatissaa qanoq itsikkusunnerlugu. Misigisimasasi nuannersut pivallaanngikkaluarlugit, illit inuttut kinaassutsit ilisarnaatitillu eqqarsaatigissavatit. Makkuusinnaapput; Suut ilinnut pingaaruteqarnerpaappat? Suut angusimavigit? Inunnut qanoq kiinnertarsimavit? Imaassinnaavoq ikinngutaalluarsimanerit tusarusunnerpaallugu paasigit. Taamaassimappat ikinnguteqarneq ilinnut pingaaruteqartuunera paasissavat.

”Taavami taanna annilaanganermut qanoq attuumassuteqarpa?” immaqa eqqarsarputit. Uani siunertaavoq pingaartitatta aqqutissiuutiginissaa, kissaatiginerpaasagullu atorlugit inuunitta ingerlanniarnissaa. Assersuusiulaarta: Asulimiatagooq ineqarnerit peqqutaalluni ikinngutitit ilaginiarukkit umiarsuaqqaanngikkuit timmisartoqqaassaatit. Tamannalu nangiaammernarivat. Taamaattumik ima eqqarsarlerputit: “Annilaanganianngilanga. Pinaveersaartilluinnassavara.” Tamassumalu kingunerissavaa imminut ima oqarfigineq: “Ajunngilaq ikinngutikka ilaginngiinnassavakka.”

Taama pisoqartillugu pisoq ungasianit isiginiarnissaa iluaqutaassaaq. Imaanngilaq annilaanganeq peerutsinniarsarissagipput, allatulliuna isiginiassagipput. Taava imminut ima oqarfigaatit: ”Timmisartornissaq eqqaaginnarlugu annilaangaqaanga. Ikinngutimmali peqatiginissai annilaanganissannit pingaarnerutikkakkit alloriartariaqarpunga.”

80-iliininnut uteqqilaariarta. Ukiorpassuarni ikinngutit oqalugiarniarluni nikuippoq. Illit qanorlu inuusimanerit pillugu qanoq oqarnissaa kissaatigissagaluarpiuk?

Aallartinnissannut ikiorneqarnissaq pisariaqartikkukku, videomut matumunnga atatillugu suliassaq ammarsinnaavat, apequtillu isumaliutissat sisamat atuarlugit. Immaqa isumassarsitinnerulaarsinnaavaatsit.

Sungiusarluarina.