Imarisaanut uteqqigit

Modul 5: Lektioni 1

Bussi ilaaffiit sumut ingerlassanersoq nammineq aalajangissavat

Lektionip tullia

Opret bruger

Siuariartornermut kaammattuutinik nassitsittarusukkuit atuisutut atit pilersinneqarnerani nalunaarutinik nassitsittarnissat qinersinnaavat.

Suliassaq

Bussi ilaaffigisat sumut ingerlava?

  1. Inuuninni annilaanganaveersaarnissamit eqqissiveqannginnissamiillu ilinnut pingaaruteqarnerusoqarneranik imminut eqqaasinnissaq, nukiuvoq annertooq. Tamannami annilaanganermut unammillernissamut inuuninnilu pingaarutilinnik attassiinnarnissamut ilinnik kajumilersitseqataasinnaavoq.

    Suliassami matumani, naleqartitat suut ilinnut pingaarnerpaasorisatit itinerulaamik misissussavatit.

    Ataaniipput naleqartitat allattukkat. Atuakkit pingasullu ilinnut pingaaruteqarsorisatit toqqarlugit. Allassimanngitsunik naleqartitanik eqqaasaqaruit ilanngunniarigit. Allattukkat ilinnut isumaqarnissaat pingaarnerpaavoq.

     

    Sammisassaq 13: Bussi ilaaffigisat sumut ingerlava?

    1. Naleqartitatut allattukkat atuakkit
    2. Naleqartitat ilinnut pingaarnerpaat pingasut toqqakkit
    3. Suna pillugu naleqartitat pingasut taakkorpiaat ilinnut pingaaruteqarnerat allaguk.
    Alapernaaneq Ilumoorneq Neriulluarneq
    Asanninneq Ikinngutigiinneq Qiimaneq
    Isumassarsiullaqqinneq Qiimmatsanneq Suleqatigiinneq
    Sapiissuseqarneq Isumassuineq Tunuarsimaarneq
    Naapertuilluarneq Ilaquttat Isumakkeerfiginninneq
    Sulerusussuseqarneq Qujamasunneq Tatiginassuseq
    Tunniusimaneq Imminut aqussinnaaneq Pimoorussineq
    Tukkusuujuneq Ammasuuneq Neriunneq
    Inussiarnerneq Akisussaassuseqarneq Ilisimassuseq
    Maniguunneq Kiffaanngissuseqarneq Misigisaqarusussuseq

Takorluulaariaruk bussimi aquttuullutit, inuunerillu bussernertut ittuusoq. Nukissaqarluarlutit misigisassarsiorusussuseqarlutillu ingerlaarputit. Aqqutaani ilaaniarlutit ikisut amerlaqaat. Tassa eqqarsaatitit misigissutsitillu. Ilaat inussiarnersuupput. Ilaat sorraatsuupput. Ilaat ernumallutillu ajortuusinnaasunut mianersoqqusipput. Tassa imaappoq, ingerlaarninni nipit misigissuserpassuillu ingerlaqatigaatit. Tamatta taamaappugut.

Ingerlaarnissinni ilaasut ilaasa sorraatsup qanillivaatit nilliaffigilerlutillu: “Aqqullussuaq!”, “Ajutooqinaagut uterniarit!” Immaqaluunniit “Qaa hey, sorujooq?!” ingattarseraluttuinnarsinnaavorlu. Naggataatigut eqqarsaatitit tusaarusukkunnaarpatit. Oqarfigaatillu: ”Okay! Piumasarsi pissavarsi. Nipangerniassaasi oqaatsisi malissavakka!”

Ilaasut annilaanganinnut takussutissaapput. Piffissaq qaninnerusoq isigalugu tusarnaaginnarneri malinnerilu iluaqutaasinnaapput. Ilaasut annilaanganinnut takussutissaapput. Piffissaq qaninnerusoq isigalugu tusarnaaginnarneri malinnerilu iluaqutaasinnaapput. Eqqissivutit eqqarsalerlutillu: “Naa, iluallak nipaaruttut!” Ajoraluartumilli maleruutiinnartarniaruit, sorraatsukkut sumunnarnissarnut aqutsileraluttuinnarsinnaapput. Allaat naggataatigut ima ajortigilersinnaalluni, taakkunannga ingerlaarnerit tiguartissimasinnaalluni. Oqaaseqaraangata naalaannartalerlutit: “Talerpimmukarit. Unigit. Uterit. Saamimmukarit.” Angalaneq siunertaqarluarsimaqisoq neriuutaarussimasutut ingerlalersinnaasarpoq.

Ullullu ilaanni bussit allat ingerlaartut takuvatit. Tassani aamma ilaasunik ulikkaarpoq, ilaat siorasaarisut, nakkarsaasut mianersoqqusisullu. Aquttorli maleruutiinnarani allatut periuseqarpoq. Oqaluttut saappai: “Qujanaq siunnersuutissinnut. Kisianni uangaana aquttuusunga, uanga aalajangissavara sumukarusunnerlunga. Uannut ingerlaarfissaq pingaaruteqartorujussuuvoq naak ilissi allamut saaqqusiinnaavikkaluartusi, uanga kissaatittut ingerlaarniarpunga.”

Oqaatiginiakkama siunertaa tassaavoq, inuunerni annilaanganeq naalagaatinnagu illit aquttuuninnut imminut eqqaasinneq nukiusoq annertoorujussuaq. Taamaaliornianngikkuit annilaanganeq inuuninni initoorujussuanngorsinnaavoq. Modulimi matumani periutsinik marlunnik saqqummiivigissavakkit, taakkualu atorlugit ataatsimut isiginnissinnaaneq naleqalersitsinerlu ilinniassavat.