Imarisaanut uteqqigit

Modul 4: Lektioni 1

Anernernik imminut eqqissisarsinnaavutit

Lektionip tullia

Opret bruger

Siuariartornermut kaammattuutinik nassitsittarusukkuit atuisutut atit pilersinneqarnerani nalunaarutinik nassitsittarnissat qinersinnaavat.

Suliassaq

Qasuersaarnermut tunngasunik allattuigit

  1. Suliassami matumani iliuuserisartagariikkannik timinni qasukkartitsillutik unikaallatitsisartunik eqqisiallatitsisartunillu eqqaasaqarniassatit. Taava sammisat eqqissinartitatit allattussavatit. Timivit qasukkartariaqarnera malugigaangakku allattukkatit taakku alakkartassavit.

    Allattukkanut assersuutaasinnaapput:

    1. Nipilersuutit nuannarisat naalaajutigalugit pisuttuarneq
    2. Qatanngutiga peqatigalugu isiginnaagassianik alianaatsunik isiginnaarneq
    3. Siniffimmut innarluni sequnngerluni atuffassissumik naalaarneq

    Immaqa eqqaasaqarniarneq ajornakusoortissinnaassavat. Eqqaasatit allattukkit – kingorna iluarsakkumaarpatit. Allattukkatit naammassigukkit, arlaannik iliuuseqarsinnaagajussaatit. Siullerlu iluaqutaanngippat tullianut ingerlaqqissinnaavutit.

     

    Sammisassaq 12: Qasuersaarnermut tunngasunik allattuigit

    1. Arlaannut eqqissinartumut ingigit.
    2. Ulluinnarni eqqissinartitatit sapinngisamik amerlanerpaat allakkit.
    3. Tamatuma kingorna ilinnut pitsaanerpaat tallimat missaat toqqakkit.
    4. Allattukkatit nassatariuarsinnaanngorlugit oqarasuaatinniitikkit aningaasivinniitillugilluunniit.
    5. Allattukkanni sammisassaq ataaseq arlallilluunniit ullut tamaasa piffissaqarfiginiartakkit. Ullut tamaasa Sammisassaqaraluaqalutit immeqqittariaqarputit.

Haluukkut.

Una nalussanngikkunnarsivat. Soraarummeeriartussaavutit immaqaluunniit inuppassuit ilisarisimanngisatit peqatigalugit fisteriartussaallutit, taamaattumik assut eqqarsaatitit niaqqunni kaavipput. “Ajutuussaanga. Kukkussaanga. Illaruaatigissavaannga.” Eqqarsaativit timit sillimatilerpaat. Uummatit tillerululerpoq. Immaqalu kiagulerputit sajulerlutillu. Qujanartumilli imaaliallaannaq ikiorneqarsinnaavutit. Ikiuisussarlu tassaavoq illit. Massakkorpiaq. Ikiuussinnaajuaannartuuvorlu tassa anersaartornerit. Mattuttut arnallu nunap pissarititai atorlugit nakorsaasiortartut, ukiuni tuusintilinni ilisimavaat eqqissilluta akuttoqatigiinnik anersaartornitsigut immitsinnut eqqissisarsinnaanerput. Erniinnannguarlu periutsit pisariitsut marluk misilissavatit. Nassuiaasseqqaalaassaangali sooq iluaqutaasarnersut.

Immaqa eqqaamavat modulit aappaanni akiuunnerput – qimaanerput – sillimanerpullu pillugu oqaluttuukkakkit. Taanna ilunni sukkatsisaatitut, soorlu biilip speederiatut, eqqarsaatigisinnaavat. Speederip tutisimanera sakkortusiartortillugu sukassimagaluttuinnarlutillu sillimassuutit. Kisiannili akiuunneq qimaanerluunniit marluliaqateqarpoq. Taanna tarnip pissusaanik immikkut ilisimasalinnit taaneqartarpoq eqqissinermik qasuersaarnermillu. Eqqissineq qasuersarnerlu unittaatitut, soorlu biilip bremseatut, atorneqartarpoq. Taanna tutigukku tillernitit akuttunerulissapput. Eqqarsaatitit eqqississapput ilunnilu eqqissineq siaruaatilissalluni.

Kisiannili amerlasoorpassuulluta sukkatsinneq arriillinermiit atornerusarparput. Taamaattumik sillimanermiinneq sungiuttoortarlutigu. Taamaattumik tassaniffaarik anersaartornerit pineqarput. Anersaartornerpit timinni eqqissinermik qasuernermillu pilersitsisartoq ikittarpaa. Torraqutaalu tassani unaavoq, timit taamaalisinnaalersinniarukku ukiorpassuarni sungiusartariaqannginnavit. Inuppassuit eqqissisimanerusutut misigilertarput ullut tamaasa minutsialuit anersaartullattaagaangamik.

Aallaqqaammut innersuussutigaara periutsip sungiusarnissaanut video ilitsersuut siutequtseqarlutit tusarnaarlugu misilittassagit. Periutsip pisariitsuunera ingerlaannaq paasissavat. Ilikkarukkillu nammineersinnaalissaatit. Assersuutigalugu innartillutit eqqissinaveeraangavit. Immaqaluunniit ulluinnarni eqqissisimanerusumik pisariaqartitsileraangavit.

Periutsit taamaattut siornatigut misilissimanngikkukkit, aallaqqaammut eqqumiiginarsinnaapput. Taamaammat kigaatsunnguamik aallartissinnaavutit. Siullermik minutsi ataaseq marlulluunniit atorlugit aallartissaatit, piffissallu ingerlanerani kigaatsumik sivittoriartortissallugu. Saqqummiunniakkakka taakkuinnaapput. Videuni tulliuttuni marlunni anersaartornermi periutsinik marlunnik sungiusarnissannut nuannisarluarina.