Imarisaanut uteqqigit

Modul 3: Lektioni 9

Mindfulness-imut qaqugumulluunniit sungiusarsinnaavutit

Lektionip tullia

Opret bruger

Siuariartornermut kaammattuutinik nassitsittarusukkuit atuisutut atit pilersinneqarnerani nalunaarutinik nassitsittarnissat qinersinnaavat.

Suliassaq

Malugisaqarsinnaassutsit sungiusaruk

  1. Sukkulluunniit sumiluunniit maanna inuunermut akuersaarneq sungiusarsinnaavat. Ataasiakkaarinissaq soqutiginninnissarlu pineqarput. Taamaaliornissamiit oqaannarneq ajornannginneruvoq.

    Ullormut sungiusagassaq tassaavoq akulikitsunik iliuuserisartakkannik iliuuseqarneq, tamatumuunali tamakkiisumik maluginiaassaatit. Taanna tassaasinnaavoq tiitorneq, qorlortitsivigaluni uffarneq imal. pisuttuarneq. Aatsaat pernarlutit taamaaliornertut misiliguk, pisarnerniillu kigaannerusumik ilioruit, malugisinnaasat assigiinngitsut malugisinnaassavatit.

    Piffissap ingerlanerani maluginiaanerit pinngitsoorani allamit tiguarneqassaaq. Tamatuma pissusissamisoorluinnarnera eqqaamajuk. Taama pisoqarnerata maluginiarnissaanut sungiusarit, arriitsumillu maluginiagassatut pilersaarutinnut uterit.

     

    Sammisassaq 11: Malugisaqarsinnaassutsit sungiusaruk

    • Iliuusissamik tamakkiisumik maluginiarnissaa sungiusarusutannik isumassarsigit.
    • Ukkassavit iliuuserisamut utertinniartuarnissaanut imminut piffissalerit.
    • Tamatuma kingorna isumaliutigikkit allallugillu: Qanoq misinnarpa? Ukkassiniarneq ajornakusoorpa? Inuuninni tamakkiisumik maluginiaaneq allatigut iluaqutaasinnaassava?

Haluukkut. Ingerlatatsinni ukunani Mindfulnessimut tunngasumut kingullermut pingajuannullu tikilluarit. Mindfulnessernissamut periutsit marluk sungiusaqqammerpatit. Neriuppungalu nuannersimassasut.

Nammineerlutit mindfulness ingerlannissaanut tusarnaagassiamik ilitsersorneqartariaqanngilatit. Ulluinnarni periarfissat amerlasoorpassuupput, sumiiffigisannilu sungiusarsinnaajuaannarputit.

Assersuutigalugu ullaakkut uffaraangavit. Maluginiaruk imeq qanoq timit ingerlaarfigalugu kuuttarnersoq. Immaqaluunniit nipit tipillu suut malugisinnaanerlugit. Malugileraangakku maluginninniarnerit allamut sangusimasoq, taava uffarfimmut uterteqqittassavat.

Aamma kigutigissarnerniusinnaavoq. Maluginiaruk kigutigissaatit qaninni qanoq misiginarnersut. Kigutigissartillutit sumi nipiliortoqartarnersoq tusaaniarsariuk. Immaqaluunniit bussinut ikiartorninniusinnaavoq. Maluginiaruk aqqusineq isikkannut qanoq innersoq. Immaqaluunniit maluginiaruk silaannaap qanoq kiinnannut malunnarnera.

Ilitsersuutigut malillugit mindfulnessimik sungisarnerni, ulluinnarniluunniit aqqusaakkatit malitsillugit, anguniagaq tassaaneq ajormat eqqarsarunnaarnissaq. Soorunami qaqutiguugaluartoq tassunga killittoqarsinnaavoq, eqqarsaatilli ingerlaaginnarneri kukkunerunngilaq. Eqqarsaatit taamaattuupput – susinnaanngilagut. Uanili sunguisakkat anguniakkallu tassaavoq aalajangersimasumik maluginiagaqarneq.

Modulit pingajuat naammassiliivipparput, tassanilu eqqarsaatit misigissutsillu qimalaarnissaannut periutsit sungiusarlugit. Taamannak ingerlatsinermi ilaasa misigisarpaat eqqarsaatit ersigineqarunnaarneri aqutsiunnaarnerilu. Taamak misigilersimasut ilagaat Paninnguaq. Paninnguaq ukiorpassuarni annilaanganermik ajornartorsiuteqarsimavoq. Imalu oqarpoq: ”Sininnialeraangama mindfulnessertarpunga, eqqarsaatikka pullartatut, tigusinnaasattut saannullu ilisinnaasattut takorloortarpakka. Taamaalillutik paasiuminarnerujussuanngortarput.” Neriuppunga aamma illit taamannak misigissasutit.

Modulimi tullermi allamik ukkataqassuugut. Tassanimi qasuersaarneq qasukkarnerlu sammineqassapput. Aqqutaani nassuiaatitalinnik pingasunik sungiusassaatit, biilillu assigiiffisi – tassa bremsi sukkatsissullu tusagaqarfigissavatit.

Modulit sisamaanni takussaagut. Usi imminut tuikkut pattalaartariaqarputit, ingerlatatimmi affaanut killereersimalerputit! Torrassuaq!