Mindfullness-imut sungiusaat nassuiaannertalik: Timeglassi

Massakkut sungiusaammik sivikitsunnguamik ulluinnarni sukkulluunniit ingerlassinnaasannik pissarsissaatit.

Inuit akornanniikkaluarlutit sungiusarsinnaavutit.

Imminut attaviginialaarlutit ullormut arlaleriarlutit sungiusarsinnaavutit.

Ilungersualersutut, puffassimasutut, aliasuttutut imaluunniit qanorpiaq iliuuseqarnissannik nalornisutut misigiguit atorsinnaassavat.

Ajunngitsutut misigigaluaruilluunniit aamma sungiusarsinnaavutit.

Sungiusarninni sequnngeqqasinnaavutit imaluunniit aalajangersimasumik nakkussaqarnak siuninnut nakkussilaarsinnaavutit.

Sungiusarneq alloriarnernik pingasunik immikkoortortaqarpoq.

Takorluussavat sinnitip silinnertaa qulleq.

Alloriarnermi siullermi unillutit timit maluginiassavat.

Alapernaassinnaanerit malugisaqarsinnaanerillu atorluaruk.

Timit massakkorpiaq qanoq misinnarpa?

Sukasimasoqarpa?

Toqqissiveqqannginneq malugaajuk?

Imaassinnaavoq aamma eqqissineq malugigit.

Allanilluunniit malugisaqartutit.

Timikkut qanoq malunnaateqarpat?

Misigissutsit?

Suna pillugu taamannak malussarnerit eqqarsaatiginaveersaaruk.

Massakkorpiaq soqarnera maluginiaannaruk.

Massakkorpiaq qanoq misinnarpa.

Arlaannaatigulluunniit  atuumassuteqanngitsutut misinnaraluarpat imaluunniit suunera malugiuminaappat.

Taannaassaaq malugisat.

Eqqarsaateqarpa?

Eqqarsaatinik takkuttoqartoq malugigukku sunut tunngassuteqarnerat maluginialaarsinnaavat.

Maluginialaareerukku timippit maluginiarnera uterfigeqqiinnassavat.

Alloriarnerit aappaat tassaavoq soorlu sinnitip aminnersaa.

Massakkut maluginiaanerit anersaartornerinnannut saatsissavat.

Anersaartornerit malinnaaffigiuk.

Qinnganningaanniit toqqusaannut aqqusaarlugit puannut.

Utimullu aqqutaa tamaat.

Anersaartornerit maluginiaannaruk.

Eqqissinerulaarnerit immaqa malugissavat.

Anersaartornerit sukkasimavallaarpat eqqissiveqannginnerulersitsippallu isikkatit nalaninnilu timivit oqimaassusaa maluginiarsinnaavat.

Alloriarnerit pingajuat sinnitip silinnersaatut allertut ippoq,

timippit sinnerata maluginiarnera.

Timit maanna qanoq misigaajuk?

Misigissutsit?

Eqqarsaatit?

Avatangiisitit aamma maluginiarsinnaavatit.

Immaqa inunnik eqqanniittoqarnera malugisinnaassavat.

Nipit avataaniittut.

Sungiusarneq naammassigukku, maluginiaanerpit ilamininngua – avatangiisinnut saanniaqqiitigalutit anersaartorniniitissinnaavat isikkanniitissinnaalluguluunniit

Taamaalillutit immaqa nammineq eqqissisimanerpit ilamerna suli pigiinnassavat.

Ulloq alla sungiusarninni alloriarnerni pingasuni tamani piffissamik annertunerusumik atuisinnaavutit.

Imaluunniit sivikinnerulersissinnaavatit alloriarnernilu tamani marloriaannarlutit anersaartarsinnaallutit.

Illit ulluinnannut naapertuussarlugu sungiusaat misilerarsinnaavat.