Papikuujuk nunarsuarmi isumalunnersaaq
Nalilersuinernut qujanaq
Kulluusaq qummut sammisoq sooq toornerit oqaatigiuk
Opret bruger
Siuariartornermut kaammattuutinik nassitsittarusukkuit atuisutut atit pilersinneqarnerani nalunaarutinik nassitsittarnissat qinersinnaavat.
Ilunni papikuujuk qimaguk
Ilumi papikuujuk nikassaalluni nipituuliornermik immikkut piginnaaneqartoq tusarpat. Taanna isumaqarpoq paaralutit, paasisaanngitsunilli oqalukkajuppoq.
Sammisassaq tassaavoq papikuujummut “qujaannarpunga” -mik oqarnissap sungiusarnissaa. Taamaaliornikkut eqqarsaatit nuanniitsut oqaasiinnaanerannik, eqqortuunnginnerannik isummerfigisariaqannginnerannillu paasinnissinnaanissamut, qaratsat sungiusassavat.
Maanna ilunni papikuujummut allakkanik allassaatit, siunertat pitsaasut qujassutigalugit, ikiorneqarnissannulli qujannarlutit. Taanna ajunngitsunik siunertaqaraluaq aappariittussaanngilasi.
Sammisassaq 8: Ilunni papiguujuk qimaguk
Ilunni papikuujuk qimannerarlugu allaffigiuk. Immikkoortut uku isumassarsivigikkit:
- Papikuujuk sunut pisuunersoq oqaluttuuguk.
- Isumassuinera pillugu qutsavigiuk
- Suna pillugu naalaarusukkunnaarnera tunngavilersoruk.
- Naggataagut asannittumik inuulluaqqujuk.
Har du ikke en bruger?
Har du allerede en bruger?
Disneyip saqqummersinnikuusaa, Inside Out, takunikuuiuk? Takusimanngikkukku innersuukkusoqaara. Quianartuuvoq, attortinnarlunilu, taannalu aqqutigalgu eqqarsaatit misigissutsillu pillugit paasisaqartoqarsinnaalluni.
Naatsumik eqikkalaassavara. Isiginnaagassiami inuttaq pingaarneq, niviarsiaraq inuusuttoq, Riley malinnaavigineqarpoq. Tassani tunngaviusumik misigissusai ateqarlutillu, pissusilersorlugit isikkulerlugillu inuttalerneqarsimapput. Atiilu tassaapput, Nuannaarneq, Nikallunganeq, Siooraneq, Maajusunneq kiisalu Kamanneq. Nikallunganeq tungujortuutillugulu nuannaarpianngitsutut ilusilersorneqarsimavoq, Kamannerlu aappaluttuulluni puffasimaaginnangajattoq naveersiinnavissorlu.
Isiginnaagassiaq aliikkutaannaanani eqqarsaativit nuanniitsut aqunnissaannut sakkussannik aamma tunniussivoq. Naatsumik oqaatigalugu illit nammineq qaratsanni inuit oqaluttut inuttalersorsinnaavatit. Assersuusiulaassaanga. Allatuulli qaratsanni isornartorsiuisartoqarpoq, nakkarsaannaavittarpaangalu. Soorlu ukunannga filminik suliaqaleraangama ilaanni oqalussinnaasartoq: “Dina, susinnaanngilatit. Nittartakkatigut ingerlatatit takuneqarnavianngillat. Atorneqarsinnaanngillat. Soorlu illit aamma atorfissaqanngitsutit. Dina tusaavinga? A-tor-ffissaqa-nngillatit!” Taamannak oqaluffigineqarnissara oqinnerulersinniarlugu oqaluttartoq inuttalernikuuara. Takorloortarpara oqaluttoq papikuujuusoq isumalunnikkaarujussuaq. Taamaaliornikkut imminut eqqaasittarpunga eqqarsaatit nuanniitsut uanga eqqarsaatiginngikkikka. Taakku eqqarsaatit pisuni aalajangersimasuni namminneq takkuttarput. Assersuutigalugu arlaannik pingaarutilinnik pisassaqaraangama immaqaluunniit unammillernartunik nalorninarsinnaasunilluunniit suliaqaraangama.
Papikuujuutimma ilikkariartornera ilutigalugu paasinarsigaluttuinnarpoq akiorniarnera qimarratiginiarneraluunniit iluaqutaanngitsoq. Qimarratigingaangakku nippakkaluttuinnartarpoq. Papikuujutimalu oqaluutiinnaleraanganga “Dina sianiipputit. Filmiliuut ikittorlu kukkussuutit. Angerlaannarit,” soqutiginngittuusaarnaveersaartarpara. Oqaatiginiagaali maluginiaqqissaartarpakka. Inussiarnisaaqalungalu oqarfigisarpara: ”Kuujuk, isummersuutinnut qujanarujussuaq. Paasivakkit. Kisianni una uannut pingaruteqartorujussuuvoq. Taamaammat pissangagaluarlunga ingerlatiinnassavara.”
Periutsip uuma iluaqutitaasa ilagaat eqqarsaatikka pillugit oqaloqateqarnissara pisariinnerulertarnera. Assersuutigalugu kammalaatiga oqarfiginikuuara tuinni papikuujuuteqarlunga, taassumalu ilaatigut nuanninngitsunik oqaluussinnaasaraanga. Eqqarsaatikka uanga pigerpasikkunnaariarakkit allanut oqaatiginissaat pisariinnerulertarpoq. Papikuujullu ingattajaarsimagaangat kammannut oqartarpunga: ”Ullumi sulillunga kukkugama, a-assaa kuujuk silaarutingajappoq. Ikioriarfissaqannginnerartupajuuaanga. Sapaatit-akunneri kingulliit nipaammersoriarluni appittupajuugami a-assaa. Ingattarsilaavissorpoq.”
Neriuppunga iluaqutaaffigisinnaasaa takusinnaassagit. Videup tulliani eqqarsaatit ilinnut isornartorsiuisartut ernumatitsisartulluunniit ungasilliallassinnaalerniassagakkit inuttamik pilersitsissaatit.
Takuss.