Imarisaanut uteqqigit

Modul 3: Lektioni 2

Oqaaseeqqat arfinillit eqqarsaatinnut oqimaatsunut oqilisaasinnaasut

Lektionip tullia

Opret bruger

Siuariartornermut kaammattuutinik nassitsittarusukkuit atuisutut atit pilersinneqarnerani nalunaarutinik nassitsittarnissat qinersinnaavat.

Suliassaq

‘Massakkorpiaq eqqarsarpunga…’

  1. Videomi ‘Massakkorpiaq eqqarsarpunga,  …’-sungiusarneq misilissavat. Suliassami tassani annertunerulaamik sungiusarniassavat.

    Imminut inuunermulluunniit tunngatillugu eqqarsaatit ajortut misigisinnaasatit tamaasa allassavatit.

    Eqqarsaatit allassimasut takunissaat artornalaarsinnaammat, tamakku tamaasa iperaqqinnissaannut nuannersumik imal. qiimanartumik sammisaqarsinnaanissannik pilersaarusiornissat isumassarsiatsialaavoq.

     

    Sammisassaq 7: ‘Massakkorpiaq eqqarsarpunga…’

    1. Aqerluusamik pappiaqqamillu pissarsigit
    2. Suliaqareerninni sammisassannik nuannersumik pilersaarusiorit.
    3. Minutsit pingasut atorlugit eqqarsaatit nuanniitsut ullup ingerlanerani takkussinnaasartut tamaasa allakkit.
    4. Tamatuma kingorna allanngortillugit ima allakkit:
      • Massakkorpiaq eqqarsarpunga …
    5. Isumaliutigalugillu allakkit: Eqqarsaatinik eqqunnginnerulersutut misigilersitsiva? Eqqarsaatit nuanniitsut eqqortutut tigunnginnissaat imal. uppernnginnissaat ajornannginnerulerpa?

Paasereersimalerpat eqqarsaatit oqimaatsut qanoq eqqissisimanerullutit isigisinnaanerlugit. Eqqarsaatit oqimaatsut akiorniagassaanatillu qimarratigisassaanngillat, avataanilli isiginiarsarinissaat qaangiutsitiinnarnissaannullu sungiusarsimalerpat.

Uku tusaalaariakkit: “Unnugu festimi illaruaatigissavaannga.” Uunga sanilliuguk: “Massakkuinnaq unnugu fistimi illaruaatigineqarnissara eqqarsaatigaara.” Oqaaseqatigiit taakku marluk assigiinngissutituaat oqaatsit pingasuinnaapput.

Oqaaseqatigiit allanngulaarsinnaanerinnaanni, imminut eqqaasittarsinnaavutit eqqarsaatit eqqarsaataannaanerannik. Taamaaliornikkut eqqarsaatit qimaallassinnaavatit. Taamaalisinnaaneq pingaaruteqartorujussuuvoq, taamaaliunngikkaannimi eqqarsaatit aqutsilertissinnaasaratsigit.

Assersuusiorfigilaarlakkit. ”Dina, atorfissaqanngilatit.” Itummanni allannikuuara. Assaga isimma saanut inissikkukku, oqaaseqatigiit allassimasakka kisimik takusinnaalissavakka. Takusinnaasakka tamakkerlugit tiguarsimassavaat. Assagali ungasilliallatsikkukku, oqaaseqatigiit takulluarsinnaalissavakka: tassa isumaannaasoq imaluunniit assanni ipertut isikkoqaannalerlutik. Taamaaliorninni allatut takunnissinnaalerpunga. Oqaatsit nuanniittut inituallaarunnaarput. Ungasillineratigut qanoq isumaqarfigissanerlugit isummerfigisinnaanngorpakka.

Eqqarsartarnerput sungiusimangaaratsigu tamatigut malugineq ajorparput. Namminneq eqqarsaatigut ingerlaaruusaartarput. Taamaaligaangamillu inuunerput aqussinnaalertarpaat.

Alloriarneq siulleq tassaalerpoq unikaallalluni eqqarsaatit maluginiarnissaat.

Imaassinnaavoq isornartorsiullammassuaq qaratsanni najugaqartoq, taassumalu ullaamit unnuamut nakkarsarujoortarlutit. Immaqa ima oqartarpoq: ”Naleqanngilatit,” immaqaluunniit  ”Sunngornavianngilatit.” Immaqaluunniinuna qaratsanni allamik inoqartoq, taassumalu annilaanganissat anguniarlugu ulloq naallugu sioorasaarlutillu nuanniitsunik oqaluuterujoortaraatit.

Alloriarnerit aappaat tassaavoq, eqqarsaativit qanorluunniit piviusutut siooranartutullu misinnaraluartut, eqqarsaataannaanerannik imminut eqqaasinnissat.

Taamaaliorsinnaalernissannut periuseq nammineq misilittassavat, imminullu ima oqarfigalutit: “Massakkuinnaq ….” allamillu iliuuseqarnak, minutsip ataatsip iluani eqqarsaatit suut takkussuunnersut eqqarsaatigikkit. Imaassinnaavoq sekundit marlussuit qaangiunneranni ima eqqarsartutit: ”Piffissaajaataannaavoq.” Taava eqqarsaatitit uunga sangutissavatit: ”Massakkuinnaq piffissaajaataannasumik eqqarsarpunga.” Eqqarsaatitit suulluunniit takkussuuttut taamaalisaqattaassavatit. Eqqarsaatitit nalilersornaveersaassavatit. Nalilersuinnginnissat anguniarlugu misilittaalinnginninni imminut oqarfigisinnaavutit minutsimi tulliuttumi ajunngitsunik ajortunillu eqqarsaateqanngitsoq. Misilittaannarniarilliuna eqqarsaativit suuneranik takunnissinnaaneq suussusersisinnaanerlu.

Tusaannarlugu pisariippasittuaraagaluarpoq. Kisiannilu malugissajunnarsivat eqqarsaatigut tiguartipallannartut, eqqarsaatillu suunerinik maluginiagaqarnissaq puigornartartoq. Aamma eqqarsaatitit aqunniarsarisinnaavatit, soorlu imannak oqarsinnaavutit: “Taamannak eqqarsassanngilanga.” Eqqarsartariaatsit tamarmik nalinginnaasuupput, kukkusutullu imminut isiginaveersaassaatit. Misiliuk eqqarsaatit takkuttut suugaluartulluunniit tikilluaqqullugillu ajoriniarsarinnginnissaat.

Piumaguit sequnngerlutit sungiusarsinnaavutit. Videup takussutissiarineqarnissaanut aalajangernikuuvugut erniinnannguaq sequnngissasunga. Minutsilu ataaseq oqaaseqassanngilanga. Taamaaliornitsinni marluulluta sungiusassaagut, erniinnarlu eqikkaassuunga. Nuannisarina.

Minutsi ataaseq qaangiuppoq. Ilinnut qanoq issimanera eqqarsaatigisorujussuuara. Eqqarsaaterpassuit takkussorpat? Immaqaluunniit soqarpallaanngila? Assigiinngiiaartorujussuusarput. Imaassinnaavoq eqqarsaatit nuanninngitsorpassuit takkussuussimasut. Tamanna nalinginnaasorujussuuvoq. Tamaattoqartillugu immitsinnut ajoquteqartutut isigilersinnaasarpugut. Ajoquteqanngilatit. Nalinginnaasorujussuuvoq eqqarsaatitigut immitsinnut isornartorsiortartugut ernumatilertartugullu. Qujanartumilli eqqarsaatitta aquttariaqanngilaatigut. Eqqarsaatigut aqqutigalugit silarsuaq isiginagu imminulluunniit isiginani, eqqarsaatitta takunissaat sungiusarsinnaavarput. Aalisakkerivimmi ingerlaarfimmi ingerlasutuulli.

Videup tulliani nunarsuarmi papikuujuit immaqa isumalunnersaannik naapitsivissanni takussuugut, taassumalu qanoq ikiorsinnaaneraatit tusarfigissavat.