Imarisaanut uteqqigit

Modul 3: Lektioni 1

Eqqarsaatit sarsuasarput kinguleriiaaginnavissuullutillu

Lektionip tullia

Opret bruger

Siuariartornermut kaammattuutinik nassitsittarusukkuit atuisutut atit pilersinneqarnerani nalunaarutinik nassitsittarnissat qinersinnaavat.

Suliassaq

Minutsini pingasuni eqqarsaatit

  1. Inuunerup ingerlanerani qaratsat, aalisakkerivimmi assartuutitut ingerlaartutupajaaq, eqqarsaatinik isumaminik aniatitsivoq.

    Kingusinnerusukkut eqqarsaatinit nigortersinnaanissaq ilinniassavat. Tamannali sioqqullugu eqqarsaativit ingerlaarnerat misissoqaarallassavat.

    Qanoq eqqarsaateqartuartigininnik paasitinneqarsinnaassagavit- taamaaliussaatit. Tamannalu suna pillugu qaratsatta ilaannikkut avataannaanut pisuusisarnerata paasinissaanik ajornannginnerulersitsisinnaavoq.

     

    Sammisassaq 6: Minutsini pingasuni eqqarsaatit

    1. Pappiaqqamik aqerluusamillu pissarsigit.
    2. Oqarasuaatit minutsit pingasut qaangiuppata sianertiguk.
    3. Minutsini taakkunani pingasuni eqqarsaatitit tamakkerlugit allakkit.
    4. Isumaliutigikkit allallugillu: Eqqarsaatit qassit allannissaat angumeraajuk? Eqqarsaatinik allattuineq qanoq misinnarpa? Ilaatigut eqqarsaativit illiunnginnerannik imminut eqqaasittarnissaq iluaqutaasinnaasoraajuk? Taamaassappat, qanoq iliorsinnaassavit?

Haluukkut.

Tarnip pissusaanik ilisimasalik taamaallunga ima aperinikuuara: ”Annilaanganermik ilungersuuteqarnermillu nalaataqarsimalluni qaangiiniarnermi suut ilisimasassaappat?” Eqqarsaammersoriarlunilu akivoq: ”Eqqarsaatitit misigissutsitillu kinaassuserinngilatit. Eqqarsaatilliuku misigissutsigullu ataffigivallaaleraangatsigit oqariartuutaat apeqquseqqaarnagit upperilertoortarigut. Tassungalu pigaangatta eqqarsaatitsinnit misigissutsitsinnillu aqunneqalertarpugut.

Soorlu assersuut: Kammalaatinnummiatagooq fisterialerputit. Ulloq naallugu qilanaarputit, qanilliartortilluguli nuanninngittunik eqqarsaannaavilertoorputit. Immaqa soorlu “Nuannarineqanngilanga”, immaqaluunniit “Qanorluunniit pikkunaagalungalu eqqumiigaannga.

Eqqarsaatit ilaannikkut ima pissaaneqartigisinnaapput, allaat naggataatigut ataatsimoornissamut peqataanissaraluannut aggersinnaajunnaarlutit nalunaarlutit. Immaqa SMS-i nassiutiinnarlugu oqiliallassuutit. Kinguninnguali eqqarsaatit nuanninngitsut imminullu ajorineq takkuteqqissinnaapput. Soorlu imaattut: “Vakaasunga. Kammaginerpaasaraluunniit fiisteriaqatigisinnaanngilara. Suinnartungaanga?”

Eqqarsaatit misigissutsillu taamak ajornanngitsigisumik aqussinnaavaatit, taamaaliuleraangamillu illit angorusutannut kinaassutsinnullu akornutaalersarput.

Taamaattariaqanngilarli. Eqqarsaatitit misigissutsitillu aqutsivallaalinnginnerini, pisoq avataanit isiginiarsinnaavat. Avataanit isiginninniarsinnaaneq ilinniarneqarsinnaavoq. Eqqarsaatit misigissutsillu takkuttartut uninnavianngillat, aqutsinnginnissaalli anguniarlugu iliuuseqarsinnaavutit.

Immaqa ingasattajaarpasissinnaavoq, pissutsinulli piviusunut ima tutsissinnaavagut. Takuuk:

Aalisakkat ingerlaarfiatigut aalisakkat tulleriiaarlutik sarsuapput. Takorlooriaruk aalisakkerivimmut pulaartutit.

Qaratsat aalisakkerivimmi atortumut assingulaarsinnaavoq. Ulloq naavillugu qaratsanni eqqarsaatit ingerlaarfianni eqqarsaatit takorluukkallu ingerlaartarput. Qaratsanni eqqarsaatit aalisakkatulli ipput. Ilai nutaajupput, ilaalli tippalereersimallutik, ilaallu takuneqarsinnaanngingajallutik.

Tamanna aamma illit ilisimasimassavat. Eqqarsaatit ilaat nuannersuupput. Taakkua tigupallattarpatit paariinnarusuttarlugillu. Ilaalli nuannerpallaarneq ajorput. Taakkulu tigunaveersaartarpatit iperarniapallattarlugillu. Ilaat soqutaavallaarneq ajorput, sarsuatiinnartarpatit. Ulloq naavillugu eqqarsaatit aalisakkerivimmiittutulli ingerlaartuaannarput.

Paasissalluguli pingaarutilik tassaavoq, eqqarsaatit eqqarsartariaatsilluunniit kinaassuserinnginnakku. Tunuartiimeriarlutit eqqarsaatitit eqqarsartariaatsilluunniit eqqissiivillutit qanoq innersoq isiginiarsinnaavat. Ilaannikkut aalisagarsuaq maajunnartorujussuaq saneqqussinnaavoq. Kamaammertariaqanngilatit. Ilaannikkut kapisilik kusanartorsuaq tigorusunnartorlu sanioqqussinnaavoq. Kisianni tigusariaqanngilat paariniinnartariaqarnagulu. Soorlu aamma eqqarsaatit nuanninngittut avaqqutaartariaqanngikkitit qimarratigisariaqanngikkitillu. Immaqaluunniit nuannersut eqqarsaatiginiarsariinnaavittariaqanngikkitit. Eqqarsaatit namminneerlutit takkuttarneri ingerlaqqittarnerilu isiginiaannarnissaat sungiusarsinnaavat. Taamaalillutit nammineq kiffaanngissuseqarfigilissavat eqqarsaatit sorliit sunniuteqartinniarnerlugit.

Soqutaarpasinngissinnaavoq, amerlasuunulli periuseq annilaangalernissaraluarmut sakkussaasinnaavoq. Eqqarsaatit eqqarsaataannaanerannik imminut eqqaasinneq iluaqutaasarpoq. Oqariartuutigineqartullu upperisariaqanngilagut.

Videoup tulliani sungiusassaagut. Eqqarsaatit avataanit isigisinnaalernissaanut periutsimik misilittaassaagut.