Imarisaanut uteqqigit

Modul 5: Lektioni 2

Annilaanganeq angakkuarlutit peeriasaarsinnaasuugukku sorusussagaluarpunga ...

Lektionip tullia

Opret bruger

Siuariartornermut kaammattuutinik nassitsittarusukkuit atuisutut atit pilersinneqarnerani nalunaarutinik nassitsittarnissat qinersinnaavat.

Suliassaq

Annilaanganeq angakkuarnertut tammarpat

  1. Maanna annilaanganerup akornusersorunnaassappatit sammerusunnerpaasatit pingasut eqqarsaatigissavatit. Amerlanernik aamma ilanngussisinnaavutit, pingaarnerpaalli pingasut siullinngortinniarsarikkit.

    Assersuutaasinnaavoq “Annilaanganeq angakkuarnertut aqagu peerutissasuuppat, klassimi atuaqatikka tamaasa qaaqqussagaluarpakka suullu tamaasa nammineq aaqqissuullugit”

    Tamatuma kingorna annilaanganeq iliuuseqarfiginiarlugu nalunaarsukkanik kajumissaatitut atorsinnaasannik peqalissaatit. Massakkorpiarmi immaqqa allattukkatit malillugit iliorsinnaanngikkaluarlutit, annilaanganerit annikillisinniarlugu iliuuseqarnitit tamaasa qanilliartussaatit.

     

    Sammisassaq 14: Annilaanganeq angakkuarnertut tammarpat

    Oqaaseqatigiit tulliuttut immersukkit, pingaarnerillu pingasut siulliutikkit. Oqaaseqatigiit ilasinnaavatit.

    • Annilaanganeq angakkuarnertut tammassagaluarpat, …sagaluarpunga
    • Annilaanganeq angakkuarnertut tammassagaluarpat, …sagaluarpunga
    • Annilaanganeq angakkuarnertut tammassagaluarpat, …sagaluarpunga
    • Annilaanganeq angakkuarnertut tammassagaluarpat, …sagaluarpunga
    • Annilaanganeq angakkuarnertut tammassagaluarpat, …sagaluarpunga

Haluukkut.

Unillatsiarluni apeqqutip uuma eqqarsaatiginissaa pitsaasuuvoq: “Inuuninniuna suna pingaartinniariga?” Takorluukkatit naleqartitatillu angunigaqarnissannut aqqutissiuutigissavatit. Aqqutissat ilisimanngikkukku, umiartortutut ingerlavissat ilisimanavianngilatit. Anorip sammivia malitaralugu ingerlaartuulissagaluarputit.

Uagut aamma taamatut ingerlariuseqarpugut. Eqqarsaatit misigissutsigullu aqutsileraangata assigiinngitsunut saaqattaalersinnaavugut. Taakkuali piffissaq qaninnerusoq isiginiartarpaat. Piffissami tassani annilaanganerup peernissaanut misigissutsit iliuuseqarniartarput. Annilaanganeq misigissuseq nuanninngitsuummat taamaattarnera pissusissamisoortuuvoq.

Uani iluaqutaasorujussuusinnaavoq ataatsimut isiginnissinnaassuseqarneq, tamaalillutimmi piffissami matumani misigissutsinnit aqunneqarsinnaanerit pinaveersaartissinnaagakku. Annilaanganeq ilinni inituppat sivisuumillu taamaassimappat, immaqa initunera sungiusimavat. Immaqa ima initutigilersimatigisinnaavoq, allaat pingaartitatit malugisinnaajunnaarsimallugit. Taamaattoqarsimappat ingerlariaqqinnissannut sungiusaat tulliuttoq iluaqutaasinnaavoq. Naatsumik oqaatigalugu takorluussavat annilaanganeq angakkuarlutit unnuap ingerlanerani peersinnaallugu. Taassuma kingorna eqqarsaatigissavat: “Taava sussagaluarpunga?”

Immaassinnaavoq ima eqqarsartutit: ”Kammalaatikka sammisaqaqatiginerulissagaluarpakka,” immaqaluunniit “Efterskolernissannut qinnuteqapallassagaluarpunga.” Taamannak eqqarsarnivit takutippaa inuunerni ikinngutigiinneq, ataatsimoorneq nutaanillu ilikkagaqarneq pingaartitarigitit.

Aamma imaassinnaavoq eqqarsaateqanngitsutit. Imaassinnaavoq kissaatitit takorluukkatilluunniit takkukkaangata ima eqqarsarneq sungiusimagit: “Tamaatsillunga piviusunngorunnanngilaq.” Taamatut inissisimaguit imminut naammagittarfigisariaqarputit. Takorluukkavit takkuteqqinnissaanut imaassinnaavoq eqqarsaatit ullualuit sapaatip-akunneriluunniit tamuaqqaartariaqaritit. Immaqaluunniit oqaloqateqarnissat pisariaqartissimasinnaavat.

Sungiuarluarna.