Imarisaanut uteqqigit

Modul 2: Lektioni 3

Onkel Minip annilaanganeq tikilluaqqusinnaaneranut ukuninnga ilinniartissinnaavaatit

Lektionip tullia

Opret bruger

Siuariartornermut kaammattuutinik nassitsittarusukkuit atuisutut atit pilersinneqarnerani nalunaarutinik nassitsittarnissat qinersinnaavat.

Suliassaq

Iliuuseqariataarusulersarnermik misiliineq

  1. Maanna misigissutsit malugisallu nuanniitsut, immaqa nalinginnaasumik pisarnernit sivisunerulaartumik atuutsinnerat sungiusassavat.

    Misiliinermi minutsit tallimat sequnngerlutit issiavimmi eqqissillutit issiassaatit. Piffissap ingerlanerani eqqissiveerutissajunnarsivutit, avaanngusulerlutit qanorlu pisoqarnissaanut iliuuseqariataarusulersarneq malugissajunnarsillugu. Misililluguli issiaannarit.

     

    Sammisassaq 5: Iliuuseqariataarusulersarninnik misiliineq

    1. Minutsit tallimat qaangiuppata oqarasuaatit sianertussanngortiguk, sequnngerlutit issiavimmut eqqissivillutit ingigit.
    2. Qaqugu aalarusulernissat maluginiaruk.
    3. Oqarasuaatinni nal. sianernissaata tungaanut issiaannarit.
    4. Isumaliutigiuk allallugulu: Minutsini tallimani issiaannarneq qanoq misinnarpa? Misiliinerup unitseriataarusulernerata soqutiginngitsuusaarnissaa ajornakusoorpa? Issiaannarnerunani annilaanganeruppat atorsinnaassaviuk?

Maanna siooranartutut navianartutulluunniit imaluunniit iluaattutut misigisatsinnit akiuunnissamut qimarratiginninnissamulluunniit, sananeqaatitsinnik periataarsinnaassuserput tusagaqarfigivat.

Taakkulu eqqaariikkattuut amerlasoorpassuartigut iluaqutaasarput. Ajornartorsiut unaaginnarpoq iluaalliuutaasoq ernumanertut, misigissutsitut imaluunniit maluginiakkatut ilutsinniippat, iliuusissat iluaqutaannginnerat. Tamanna allamik patsiseqanngilaq, taamaallaat silarsuarmi avatangiisitsinni siooranartutut aqunneqarsinnaannginnerat.

Annilaanganerup akiorniarnera annertusiartortillugu inittoriartuinnassaaq. Sivikitsuaraannarmillu qimarratigineqarsinnaalluni. Sumummi qimaassavit? Annilaanganerimmi ilunniippoq.

Taavami qisuariaasissaq suna taartaassava? Tassaavorlu akerlerluinnaanik iliorneq. Tassalu misigissutsit eqqaarsaatigilersakkatit aqunniarsarinagit imaluunniit pinngitsoortinniarsarinagit akuerinissaannik sungiusarneq.

Sungiusarnerup ima pingaaruteqartiginera takutinniarlugu oqaluttuaaraliorsimavugut. Taanna inuuissiortup nalliuttorsiutigineranut tunngassuteqarpoq, tassanilu akka iluarineqarpallaanngitsoq qaaqquneqarani takkuteriataarpoq, inuuissiortorlu pingaartumik qinigassippaa.

Takorlooruk inuuissiorninni qaaqqusisimallutit. Ikinngutitit ilaquttatillu najorlugit, nalliuttorsiornerlu aallartilluareerpoq. Oqaluuppusi, kaagisuuppusi nuannisaqalusilu.

Tassanngaannarli matu sianerpoq. ”Ding-Dong.” “Hmmm, kinamitaavaana?” ”Eqqumiingaarami. Qaaqqusakka tamarmik isereeraluarput.”

Matu ammariartorpat, ammarakkulu assut tupapputit. Tassamiuna akkat Malik uumingilluinnakkat. Soqqusaatsuuvoq, nuanniilliortitsisarlunilu. Tamannalu pillugu qaaqqusimanngikkaluarpat.

Takuinnarlugu nuannaarnerigaluit appangaatsiarpoq. Nalunngilallu piumasami pinissaata tungaanut, tassa isertinneqarnissami tungaanut nalinginnaq oqalorujuussasoq. Isertinnissaatali kingunissaa takorloorsinnaanngilat.

Taamaalillutit toqqaasariaqalerputit pingasunillu periarfissaqarlutit: Siullermik Malik isertinnaveersaarlugu nikorfaannarsinnaavutit. Aappaattullu tassaavoq anillutit tamaviat qimarratiginissaa. Periarfissani takkunani marlunni nalliuttorsioqataanngitsuussaatit.

Pingajussaanilli periarfissaqarpoq: Malik isertissinnaavat. Imaanngitsoq taamaliorusukkavit, imminulli ima oqarfigigavit: “Peqataanissama akornuserneqarnissaanut nalliuttorsiorneq una uannut pingaaruteqarpallaarpoq.” Malik peqataatillugu akuersaarnikkut, nalliuttorsiornermut peqataanissamut imminut periarfissipputit. Taamaalillutillu ukkappallaanngikkaanni sumik isumajunnaartartoq paasivat.

Qanoq oqariartuuteqarniarnera takusinnaaviuk? Akka Malik soorunami annilaanganertulli ippoq. Annilaanganeq kissaatiginngilluinnakkannik takkuteriataartarpoq. Aqussinnaanngilat. Inuuninnili nalliutorsiorninnit annilaanganeq pissutigalugu qimaasariaqanngilatit. Imaluunniit torsuusami akiorniarsaralugu. Oqaatigineqartutut aqqutissat pingajoqarput. Tassalu ilinnut pingaarutilinnik iliuuseqarneq – iluaakkaluarpalluunniit.

Qanorli ilillutit annilaanganerup pitsaasumik qaaqqunissaa iluatsissaviuk? Modulip tulliani taanna aallartissavarput, assani ilaatigut periutsit pingasut eqqarsaatit misigissutsillu oqimaatsut paasisinnaanerannik ajornannginnerulersitsisut misilissavatit.

Takuss.