Takanna: 5 minutsit ingerlanerini paasisassarsiornerup ilisaritinnera

Haluukkut.

Videomi uani, ingerlanissap qanoq aaqqissuunneqarneranut, suullu ilisimasaqarfiginerulernissaannut sungiusarnissaannullu, ataatsimut isiginnilersinnaassaatit.

Siullermik matuma katsorsaanerunnginnera ilisimassavat. Matumani ilisimasat teknikkilu atorlugit imminut ikiorsinnaanissannut ikorfartorneqassaatit.

Nalinginnaasoq alla tassaavoq matuma nammineerlutit ingerlassinnaalluarnera. Periarfissaqaruilli allamik peqateqarnissannik kaammattorusuppakkit. Taanna angajoqqaajusinnaavoq, ikinngutigilluakkat imaluunniit alla tatigisat.

Annilaanganinnut iliuuseqarnissamut inissaqartitsivallaanngikkuit, ikiuisinnaasumik tapersersortigisinnaasannik ingiaqateqarsinnaavutit. Annilaanganermi kisimiillutit pigisariaqanngilat.

Ingerlaqqeriarutta, malitassiarmita sunik imaqarpa? Tassa arfinilinnik moduleqarpoq.

Immikkoortumi siullermi annilaanganeq suunersoq ilinniassavat. Timimi qanoq pisoqarnera – sunalu pillugu taama pisoqarnera paasineqaraangami siooranarpallaarunnaartutut misiginartarpoq. Annilaanganerup siornatigut qanoq iluaqutaasarnera qanorlu akornutaasarnera aamma paasisaqarfigissavat.

Immikkoortut aappaanni assigiinngitsunik marlunnik navianaatilinnut qisuariaateqarnerput, tassa akiuunnissamut imaluunniit qimarratiginninnissamut sananeqaateqarnerput paasisaqarfigissavat. Iliuusissat taakku marluk amerlasuutigut iluaqutigisarpagut, iluaagisarli eqqarsaatitut, misigissutsitut malugisatullu ernumanartutut ilutsinniippat, ajoqutaasutut misiginarsisinnaasarpoq. Aammattaarlu illit nammineerlutit iliuuseriniagassavit qanoq innerat misissavat.

Immikkoortut pingajuanni eqqarsaatitit misigissutsitillu, illit kinaassuserinnginnerat tamatumalu paasinissaa suna pillugu pingaaruteqarnersoq paasisaqarfingissavat. Aammalu ajornanngitsumik eqqarsaativit misingissutsivillu aqutsilertarneranut periutsit pingasut iluaqutaasinnaasut ilikkassavatit.

Immikkoortut sisamaanni ulluinnarni eqqissisimanerunissamut iluaqutissat takutissavakka. Ilaatigut anersaartoriaatsit eqqissinartut marluk misilissuatit, taavalu assersuutigalugu unnukkut qasukkarnissaq ajornakusoortikkukku ikiorneqarlutit qasukkarnissamut periutsimik atorsinnaasannik ilitsersuunneqassaatit.

Immikkoortut tallimaanni qulimiguulimmut ilaalluta qulaaniit alakkarterissaagut. Tamatumanimi illit inuuninni suut pingaaruteqarnerat naleqarnerallu eqqarsaatigissavat. Tamanna, annilaanganerup nutaamik naapissinnaanissaanut nukissannik tunisarmatit sapiissuseqalersittarmatillu, pingaaruteqarpoq.

Immikkoortut arfernanni naggataannilu qanoq ilillutit eqqissillutit siooragisavit aallartissinnaanerat sammissavarput. Tamatumani iluaqutissaq tassaavoq unammilligassat annikittunnguakkuutaarlugit agguataarnissaat. Taavalu imminut isorinerpit annikillisarnissaanut imminullu isumassorluartalernissannut iluaqutissat sungiusassavatit.

Immikkoortut pingajuat.

Matumani ingerlanissat modulit tulleriiaarlutik imminnut ataqatigiissillugit aaqqissuupparput. Unali ilinnut tunngammat illit nammineq iluarisannik tulleriiaarsinnaavatit. Videot ilaat amerlasuut aamma annikittunik sungiusaatitaqarput. Siunnersuutigaarpulli piffissaqaruit nukissaqaruillu taamaaliortaqqullutit, taamaalillutimmi pissarsiaqarnerussaatit. Video suliassartaqarpat, videup ataani ‘opgave’ toorlugu pissarsiarissavat.

Suliassat nalinginnaasumik ima suliarissavatit.

1. Suliassat assileqqaassavat, tassa videut ataanni “Kopier” toorlugu.
2. Sungiusaat oqarasuaatinni note-app-imut, qarasaasianni dokumentimut – imaluunniit illit nammineq iluarisannut ikkuguk.
3. Sungiusaammut akissutit allaguk.

Soorunami aamma suliassat allattaavimmut allassallugit pitsaanerutikkukku taamaaliorsinnaavutit taavalu akissutitit assammik allallugit. Illit nammineq aalajangissavat.

Naggataatigut taama ingerlaneq tarnip pissusaanut tunngatillugu periutsimik acceptance and commitment therapy-mik, naalisarlungu ACT-mik, tunngavigalugu sanaajuvoq. Taanna toqqaannartumik oqaluttuarissanngilara. Annertunerusunilli paasisaqarusukkuit ataani attavik aqqutigalugu ”ACT forklaret på 10 minutter” takusinnaavat.

Taamaalilluta annilaanganerup suunera paasiniaaviginiarlugu, moduli siulleq aallartissinnaanngorparput.

Takuss.